Kvikmyndasálfræði

Just another Kristjans Sites site

Archive for the ‘Anthony Hopkins’ tag

Hannibal

leave a comment

Titill: Hannibal.

Hannibal kápan.

 

Útgáfuár: 2001.

 

Útgáfufyrirtæki: Dino De Laurentiis & Scott Free Productions.

 

Dreyfingaraðili: Metro-Glodwyn-Mayer/Universal Pictures.

 

Land: Bandaríkin.

 

Framleiðandi: Dino De Laurentiis, Martha De Laurentiis & leikstjórinn.

 

Lengd: 2:12 mínútur.

 

Stjörnur: 6,8* (Imdb) og 3,9* + 6,2* (RottenTomatoes).

 

Leikstjóri: Ridley Scott (1937- ). South Shields, County Durham, England.

 

Aðrar myndir sama leikstjóraAlien (1997), Blade Runner (1982), Thelma & Louise (1991), Gladiator (2000), A Good Year (2006), American Gangster (2007), Body of Lies (2008), Robin Hood (2010), Prometheus (2012), The Counselor (2013), Exodus; Gods and Kings (2014) og The Martian (2015).

 

Handrit: Thomas Harris, byggt á samnefndri bók, Davið Mamet og Steven Zaillian.

 

Tónlist: Hans Zimmer.

 

Kvikmyndataka: John Mathieson.

 

Klipping: Pietro Scalia.

 

Kostnaður: 89.000.000$/ Tekjur: 351.600.000$ = 262 milljónir dollara í plús!

 

Slagorð: Hannibal Lecter: Tell me Clarice, would you ever say to me “Stop. If you loved me, you’d stop”? 
Clarice Starling: Not in a thousand years. 
Hannibal Lecter: “Not in a thousand years”… That’s my girl.

 

Trailer: Gerið svo vel.

 

Flokkun: Glæpir, drama, tryllir.

 

Leikarar/Hlutverk:

Hannibal felur sig sem Dr. Fell.

Anthony Hopkins = Dr. Hannibal Lecter/Dr. Fell, mannæta á lausu og bókavörður í Ítalíu.

 

Clarice Starling.

Julianne Moore = Clarice Starling, útskrifuð úr FBI, með 10 ár í starfi.

 

Mason Verger.

Gary Oldman = Mason Verger, hefnigjarn milljarðamæringur. Gary Oldman er óþekkjanlegur í ógeðlegu gervinu.

 

Paul Krendler.

Ray Liotta = Paul Krendler, gerspilltur samstarfsmaður Starling í FBI, mútað af milljarðamæringnum Verger.

 

Barney Matthews.

Frankie Faison = Barney Matthews, fangavörðurinn, sem Hannibal myndi aldri skaða af því hann (Barney) er svo kurteis.

 

Rinaldo Pazzi.

Giancario Giannini = Rinaldo Pazzi, ítalski rannsóknarlögreglumaðurinn sem hættir á það að græða á því að vísa milljarðamæringnum á Hannibal, frekar en að vinna að málinu sem lögreglumaður.

 

Francesca Neri = Allegra Pazzi, gullfalleg eiginkona ítalska lögreglumannsins.

 

Dr. Cordell Doemling.

Zeljko Ivanek = Dr. Cordell Doemling, læknirinn sem vinnur þá óþveravinnu að þjóna milljarðamæringnum.

 

Evelda Drumgo.

Hazel Goodman = Evelda Drumgo, dópsölu konan, sem reyndi að verjast með því að hafa kornabarn um sig miðja í upphafsatriði myndarinnar.

 

Robert Rietti = Sogliato, einn ítalski glæpamaðurinn sem milljarðamæringurinn ræður til að rækta mannætu villisvín og ná Hannibal.

 

Mínúturnar:

0:01 = Textinn.

0:03 = Myndin byrjar á því að sýna Clarice Starling (Julianne Moore) að starfi hjá FBI. Hún er í eiturlyfjadeildinni og er að stjórna stakeout í tilraun til að handtaka stórhættulega eiturlyfjahring – stjórnað af konu. Evelda Drumgo (Hazel Goodman).

0:06 = Evelda mætir, en Clarice sér að hún er með kornabarn á sér. Hún tilkynnir því að hætt sé við aðgerðina, en það er of seint. Mikil skothríð hefst sem endar með því að Evelda með barnið bundið á magann stendur beint fyrir framan Clarice.

0:08 = Clarice segir Eveldu að leggja frá sér vopnin, en hún reynir að skjóta Clarice, sem verður þá að verja sig með því að skjóta til baka, þótt hún sé með barnið á sér.

0:11 = Mason Verger (Gary Oldman) sér umfjöllunina og lætur FBI mann sinn, Paul Krendler (Ray Liotta), gera Clarice lífið leitt. 

0:12 = Clarice reynir að verja sig gegn yfirmönnum sínum, sem ásaka Clarice um að hafa farið illa með málið – margir létust í skotárásinni.

0:16 = Clarice er beðin að mæta heim til Vergers, sem segist vera með nýjar upplýsingar um Hannibal. Hann reynir að hræða Clarice með andliti sínu. Það tekst ekki.

 

Gary Oldman er óþekkjanlegur í gervi Vergers.

 

0:18 = Verger vill ræða við Clarice um æsku sína, hún hefur ekki áhgua á því og vill frekar ræða það hvernig Hannibal skaðaði andlit hans svona mikið.

0:20 = Hannibal dópaði milljónamæringinn, braut spegil og lét hann skera sig endurtekið í handlitið. Verger – útúrdópaður – segir: It seemed like a good idea at the time.

 

 

Verger bætir svo við: Isn’t it funny, you can look at my face, but you shied away when I mentioned god.

 

0:22 = Clarice er komin í vinnuna aftur og skoðar gömul gögn um Hannibal. Hún sér hann m.a. á gömlu myndbandi ráðast á hjúkrunarkonu og bíta hana. Hún sér líka fangavörðinn Barney.

0:24 = Clarice heimsækir Barney, sem segir henni að Hannibal hafi bara drepið (og borðað) ókurteisa. Þess vegna er hann ekki hræddur og Clarice ætti ekki að vera það heldur. Clarice fær hann til að hjálpa sér, þegar hún hótar honum fyrir að selja gögn um Lecter.

0:28 = Eftir að hafa skoðað öll gömul gögn, sem hún fékk frá fangaverðinum um Hannibal, fer Clarice að gruna að hann sé kannski í Flórens. Hann teiknaði jú mynd af dómkirkjunni þar í fangelsinu (sést vel í The Silence of the Lambs), þegar hún tók viðtal við hann. Myndin færist nú einmitt til Flórens, þar sem Rinaldo Pazzi (Giancario Giannini) ítalskur lögreglumaður fer inn á gamalt bókasafn til að rannsaka dularfullt hvarf bókavarðarins. Þar hittir hann mann sem er að sækja um starfið, mann sem kallar sig Dr. Fell.

 

Hannibal er ólíkt kúltíveraðri sem Dr. Fell.

 

0:31 = Clarice er enn að rannsaka Hannibal gögnin þegar hún fær bréf. Það virðist vera frá Hannibal. Hún rannsakar það vandlega. Þar segist hann hafa fylgst með henni, og að hann sé óhress með það hvernig FBI niðurlægir hana.

0:35 = Clarice kemst að því að ekkert er hægt að læra um bréfið, annað en efni þess, nema lyktina af því. Á sama tíma sér ítalski lögreglumaðurinn myndband af Hannibal kaupa ilmvatn. Hann þekkir Hannibal bara sem Dr. Fell og fer nú að elta hann. Hann grunar eitthvað.

0:38 = Pazzi kemst m.a. að því að FBI hefur óskað eftir þessari upptöku. Hann fer því að skoða heimasíðu FBI. Þar er Hannibal á: 10 most wanted list! Lögreglumaðurinn kemst líka að því að milljarðamæringuinn vill borga vel fyrir upplýsingar um Hannibal. Hvort á lögreglumaðurinn að hafa samband við FBI eða milljarðamæringinn?

0:42 = Paul Krendler kemur niður í kjallarann til Clarice til að grennslast fyrir um það hvernig henni gangi við að finna Hannibal. Krendler er greinilega aukalega á launaskrá milljarðamæringsins. Hann hótar henni.

0:45 = Clarice er orðin óþolinmóð, hún fær ekkert efni úr eftirlitsmyndavélum frá Flórens og London. Hún hringir og rekur á eftir því. Á sama tíma hringir ítalski lögreglumaðurinn í milljarðamæringinn.

0:48 = Pazzi fer rakleitt til Dr. Fell til að reyna að fá staðfestingu að hann sé Hannibal. Hann fær fundarlaunin ef hann nær af honum fingraförum – sem sannar málið. Hannibal veit allt um hann, m.a. að Pazzi vísar til 500 ára gamals máls þar sem forfaðir hans var dæmdur til dauða og hengdur með inniflin út. Til eru teikningar af því. Pazzi finnur þjóf og lætur hann ræna Dr. Fell til að ná af honum fingrafari. Til þess er hann með sérstakt armband.

0:55 = Vasaþjófurinn eltir Dr. Fell, sem auðvitað gerir sér grein fyrir því. Þegar þjófurinn nálgast Dr. Fell þá nær hann vissulega fingrafarinu, en deyr um leið. Pazzi þvær hendur sínar af málinu og nær armbandinu. Verger borgar honum launsargjaldið.

0:58 = Vergar ræður strax ítalska sveitaglæpamann, Carlo og syni hans til að undirbúa handtöku Hannibals. Þeir eru búnir að vera að rækta 270 kílóa villisvín. Á meðan sækir Pazzi verðlaunaféð og fer í óperuna.

1:01 = Dr. Fell/Hannibal er líka á óperunni, enda kúltíveraður maður. Á eftir kynnir Pazzi Dr. Fell fyrir konu sinni. Dr. Fell færir henni skjal frá Dante (Aligieri) úr Hinum guðdómlega gleðileik.

1:05 = Pazzi hittir ítölsku glæpamennina og á sama tíma sér Clarice Starling öryggismyndavélina frá Flórens. Hún hringir strax til Flórens og hær í Pazzi, sem þykist ekki þekkja málið. Clarice veit betur og varar hann alvarlega við. Pazzi er orðinn hræddur og segir bóndaliðinu að fanga Dr. Dell sem fyrst.

1:08 = Dr. Fell er að halda fyrirlestur til þess að fá bókavarðarstarfið. Hann sýnir mörg gömul listaverk um viðbjóðslegar hengingar þar sem maðurinn er líka skorinn upp og inniflin láta hanga út úr maganum. Eftir fyrirlesturinn segir Dr. Dell við Pazzi að hann hafi ekki sýnt myndina af Franesco de Pazzi – forföður lögreglumannsins – en hann varhengdur með sama viðbjóðslega hættinum.

1:12 = Hannibal læðist aftan að Pazzi svæfir hann með klóróformi og bindur hann. Hannibal vill ekki drepa hann strax, vill upplýsingar og segist sleppa því að borða konuna hans ef hann sé samvinnufús. Á sama tíma hringir síminn hjá, Clarice hringir í hann og Hannibal svarar. Hannibal talar stuttlega við Clarice, en segist vera svolítið upptekinn.

1:15 = Hannibal hendir Pazzi fram af svölunum, rétt eins og gert var við forföður hann fyrir 500 árum.

1:16 = Glæpamenn Vergers sjá þetta og hlaupa inn í húsið. Hannibal sker einn soninn á háls. Faðir hans sér það og missir sig algerlega – en Hannibal sleppur.

1:20 = Verger lætur Paul Krendler koma fölsuðu bréfi frá Hannibal til Clarice. Hann klætur fylgja með rándýra ítalska teikninu. Krendler fer svo með þetta til yfirmanna FBI gefur í skyn að Clarice sé í ólöglegu sambandi við Hannibal og lætur svifta hana starfinu. Hún veit um hvað málið snýst og tilkynnir það. Hún segir að Verger milljarðamæringur vilji bara einn ná Hannibal til að hefna sín. Krendler er bara keyptur sendill hans – samt missir hún starfið og á að hafa sig hæga heima hjá sér um stund.

1:23 = Hannibal kemur til Bandaríkjanna vegna þess að hann sér að Clarice er í vandræðum. Hann fer beint heim til Krendlers. Hann kaupir alls konar potta og pönnur, hvað ætlar hann eiginlega að gera, bjóða henni í veislu? Hann stelur líka læknisfræðilegum áhöldum af spítala. Til hvers eiginlega?

1:27 = Hannibal kemur sér fyrir í fallegu húsi við sjávarsíðuna. Á sama tíma kemur Clarice heim til sín með vinnugögn sín, búin að missa starfið, a.m.k. tímabundið.

1:29 = Hannibal er greinilega hrifinn af Clarice, því hann heimsækir hana og hringir svo í hana. Hann skipar henni að taka byssuna með sér og fara út. Hún gerir sem hann segir. Hann eltir hana.

133 = Clarice er komin í verslunarmiðstöð og tekur þá eftir því að henni er veitt eftirför, ekki bara af Hannibal, líka af einhverjum öðrum. Hverjum? Mönnum Vergers? Hvern á hún að handtaka hann eða þá?

1:35 = Hannibal getur ekki hjálpað henni meira og fer út. Glæpamenn Vergers sjá Hannibal fara og ná að skjóta hann með deyfibyssu. Clarice sér atvikið, lætur FBI vita, og þeir senda bíl  heim til Vergers, sem sver það af sér að vera með Hannibal. Clarice spyr hvort hún fái starfið aftur, en því er neitað. Hún er ein á báti.

1:38 = Verger skipar glæpamönnum sínum að koma með Hannibal. Villisvínin bíða!

1:39 = Claribe brýtur allar reglur og fer af stað að leita Hannibals. Hún veit að Verger er með hann.

1:41 = Hannibal er settur inn í svínastíuna og Clarice læðist þangað með byssuna. Svínin koma inn, glorhungruð.

1:43 = Þeim er sleppt í stíuna og það er spilað mannlegt öskur til að æsa þau upp. Læknirinn kemur með Verger í hjólastól, hann ætlar sko að horfa á, en þá birtist Clarice (sem átti að halda sig heima) og segir glæpamönnunum að stoppa. Þeir gegna ekki og hún skýtur þá. Hún reynir að losa Hannibal áður en svínin sleppa inn. Hún er hálf hrædd, en leyfir honum þó að fá hníf til að losa sig.

1:45 = Hannibal varar hana við, en einn glæpamaðurinn nær að særa Clarice skotsári. Hannibal losar sig og nær að taka hana upp. Svínin hlaupa framhjá og éta glæpamanninn sem Clarice skaut – þau hlaupa fram hjá Hannibal, sem er með Clarice í fanginu. Á sama tíma kemur Verger í hjólastólnum og Hannibal segir þá við lækninn: Hentu milljarðamæringnum niður í stíuna, þú getur alltaf sagt að það hafi verið ég. Læknirinn hatar yfirmann sinn, sem alla tíð hefur komið illa fram við hann fer að ráðum Hannibals. Svínin fá að borða, eftir allt saman!

1:47 = Krendler kemur heim til sín og sér að það er búið að leggja á borðið með stjörnuljósi og alles! Áður en hann áttar sig þá svæfir Hannibal hann með klóróformi. Clarice vaknar hálfdösuð í flegnum kjól. Hún er greinilega á deyfilyfjum vegna aðgerðarinnar, en Hannibal er læknir og hann gerði að skotsárum hennar. Hún staulast niður, en er ekki alveg með fulla meðvitund. Hún heyrir tal niðri.

1:49 = Clarice sér byssu og tekur hana. Hún reynir að hringja, en síminn er ekki í sambandi. Hún tengir símann og hringir í lögregluna. Hannibal er flott dressaður og er að elda fínan mat. Við borðið situr spillti FBI maðurinn, Paul Krendler – dálítið einkennilegur. 

1:51 = Clarice kemur í kvöldmatinn og Krendler spyr: Hvað er í matinn? Hún sest við borðið. Lögreglan er komin af stað og Hannibal lítur á klukkuna. Krendler er látinn segja borðbæn. Það er greinilega eitthvað að honum, en við vitum ekki enn hvað það er.

1: 53 = Krendler situr við borðið og er með húfu. Það er greinilega eitthvað að honum í höfðinu, en hvað?

1:54 = Hannibal færir þeim mat og afvopnar Clarice auðveldlega, fyrst byssan og svo hnífur, en hún er vanmáttug að reyna að berjast á móti honum. Hannibal tekur húfuna af Krendler og þá kemur í ljós að hann er búinn að skera hauskúpna af Krendler – eins og gert er fyrir heilaaðgerðir. Heilinn – yfirborð stóra heila – sést greinilega og Hannibal sker hluta af heilanum og steikir á pönnu! Hann lítur stöðugt á klukkuna.

 

Paul Krendler við batarborðið og hann er líka í matinn. Mörgum þótti þetta atriði fara út fyrir velsæmismörk.

 

1:56 = Hannibal ræðir við Clarice og spyr enn hvort hún vilji handtaka hann. Inn í eldhúsinu ræðst Clarice á Hannibal, en hann aftur sér við henni og skellir henni á ísskápinn. Hann festir hana þar. Hann kyssir hana, en á sama tíma þá hlekkir hún hann með handjárnum við ísskápinn. Hannibal tekur hníf og … segir: This is really gonna hurt! Ætlar hann að sleppa með því að höggva af henni hendina?

1:59 = Lögreglan er komin og hún bjargar Clarice. En Hannibal er horfinn.

2:01 = Hannibal er í flugvél með höndina í fatla (já, þá vitum við það) og er að borða góðan mat. Lítið barn er við hliðina á honum og strákurinn hefur mikill áhuga á matnum. Hann spyr og Hannibal svarar. Hann gefur drengnum að smakka hluta máltíðarinnar. Hvaða hluta?

2:16 = THE END.

 

9+1 spurning:

  1. Hvernig finnst þér að Julianne Moore takist upp við að taka við hlutverkinu af Jodie Foster?
  2. Hvað eru liðin mörg ár frá því að The Silence of the Lambs gerist?
  3. Hvernig er Hannibal flokkuð? Hvaða tveir flokkar (tengundir mynda) eru oftast nefndir? Hvers vegna?
  4. Hægt er að líta á myndina Hannibal allt öðru vísi, nefnilega sem ástarmynd! Ást á milli hverra?
  5. Nefndu 2 augljós atriði þar sem gefið er í skyn að eitthvað sé á milli þeirra út frá Hannibal séð.
  6. En Clarice Starling? Sýnir hún einhvers staðar eitthvað annað en að hún sé FBI starfsmaður sem að vill bara koma Hannibal í steininn? Eitt dæmi?
  7. Hvernig endar Hannibal bókin öðru vísi en myndin? Hvað er það sem leikstjórinn þorði ekki að sýna í lokin?
  8. Getur þú nefnt einhverja mynd sem endar með þeim hætti að “vonda persónan” er a.m.k. jafnvond og áður og vinnur? Hvaða mynd?
  9. Hvernig metur þú Hannibal í samanburði við The Silence of the Lambs. Sú síðarnefnda er einhvern veginn að öllu leyti betri, en hvernig? Nefndu sérstaklega 2 atriði.
  10. Mundu að gefa svo þitt einlæga álit á myndinni. Hvernig fannst þér myndin?

Written by Kristján

January 26th, 2017 at 2:50 pm

The Wolfman

leave a comment

 

The Wolfman 2010 kápan.

 

The Wolfman, 2010.

Leikstjóri: Joe Johnston.

Handrit: Andrew Kevin Walker, David Self, og svo viðurkenna þeir að handritið byggi á handriti frá 1941 eftir Curt Siodmak.

Leikarar:

Benicio Del Toro = Lawrence Talbot, sonurinn.

Benedicio Del Toro í hlutverkinu í The Wolfman.

Benedicio Del Toro í hlutverkinu í The Wolfman.

Emily Blunt = Gwen Conliffe, eiginkona bróður Lawrence, þess sem er nýdáinn.

Anthony Hopkins = Sir John Talbot, faðirinn.

Anthony Hopkins sem WolfMan í myndinni frá 2010.

Anthony Hopkins sem WolfMan í myndinni frá 2010.

Art Malik = Singh, þjónninn í kastalanum.

Simon Merrills = Ben Talbot, þegar bróðirinn var ungur, sá sem er nú dáinn.

Mario Martin-Borquez = Ungi Lawrence, þ.e. Lawrence þegar hann var ungur.

Christina Contes = Solana Talbot, móðirinn, sem núna er dáin.

Hugo Weaving = Abberline, lögreglumaður.

Th Wolf Man kápan frá 1941.

The Wolfman, 1941.

Leikstjóri: George Waggner.

Handrit: Curt Siodmak.

Leikarar:

Lon Chaney Jr. = Lawrence Talbot, sonurinn.

Lon Chaney Jr í varúlfagefinu í myndinni frá 1941.

Evelyn Ankers = Gwen Conliffe, trúlofuð, en verður hrifin af Lawrence.

Varúlfurinn með Conliffe í lokaatriðinu. Á hvað er hann að horfa?

Varúlfurinn með Conliffe í lokaatriðinu. Á hvað er hann að horfa?

Claude Rains = Sir John Talbot, faðirinn.

Warren William = Dr. Lloyd, læknirinn.

Bela Lugosi = Bela, sígauninn, upprunalegi úlfmaðurinn. Leikarinn frægur í hlutverki Dracula.

Maria Ouspenskaya = Maleva, sígaunakonan.

Ralph Bellamy = Colonel Montford, maðurinn með pípuna, sá sem lék Morse fyrirtækjaeigandann í Pretty Woman! Þann sem Richard Gere reynir að kaupa.

Fay Helm =Jenny Williams, vinkona Gwen.

Patric Knowls = Frank Andrews, kærasti Gwen, trúlofaður henni.

The Wolfman, mínúturnar:

002 = Lawrence Talbot (Lon Chaney Jr.) kemur aftur í þorpið eftir 18 ára fjarveru.

004 = Lawrence og faðir Sir John Talbot (Claude Rains) takast í hendur.

005 = Talbot feðgarnir skoða nýjan stjörnukíki. Sonurinn fer fljótlega að skoða fólk – hann sér Gwen Conliffe (Evelyn Ankers), þar sem hún er í svefnherberginu að máta eyrnarlokk (munið eftir áhorfs ánægju og gægjuhneigð frá því í Pretty Woman!).

007 = Lawrence verður æstur og fer í búðina sem er á jarðhæðinni. Vill kaupa eyrnalokk, ekki hvern sem er, heldur þann sem: looked so well on you in your dressing table up in your room … they looked so well on you. Conliffe vill ekki selja eyrnarlokkinn sinn, svo Lawrence kaupir göngustaf með silfurhnúð af úlfi.

009 = Conliffe segir honum að göngustafurinn sem með tákn af úlfi og fimmstjörnu, og hún bætir við að: werewolf, a certain kind of man that at certain times of the year turns into a wolf. Lawrence svarar með tilvísun í Rauðhettu og Conliffe svarar að sú saga sé í raun varúlfasaga.

011 = Lawrence spyr föður sinn, sem svarar að fólk segi að í þessu héraði hafi menn breyst í varúlfa á fullu tungli, en að þetta sé bara flökkusaga.

012 = Lawrence mætir aftur í búðina við lokun og vill labba með Conliffe. Hún segist vera að fara með vinkonu sinni, Jenny Williams (Fay Helm) til sígaunanna, sem ætli að lesa í lófa þeirra.

014 = Williams fer inn til sígaunans Bela (Bela Lugosi – þessi frægi Drakúla leikari), sem les í lófa, á meðan eru Lawrence og Conliffe að spjalla saman. Conliffe varar Lawrence við og segir honum að hún sé trúlofuð.

015 = Williams spyr sígaunann hvenær hún muni giftast, hann skoðar hægri hönd hennar sem sýnir framtíðina. Bela sér fimmstjörnu táknið og verður mjög hræddur. Hann segir Willims að fara strax. Hann óttast eitthvað!

016 = Allt verður ókyrrt, Lawrence heyrir óhljóð og fer með stafinn. Hann sér úlf drepa Williams.

017 = Lawrence nær að drepa úlfinn með silfurstafnum sínum, en hann nær þó að bíta Lawrence Talbot í bringuna.

018 = Sígaunakonan Maleva (Maria Ouspenskaya) segir við Lawrence Talbot: Whoever is bitten by a wolf and lives becomes a werewolf himself.

019 = Faðirinn og Colonel Montford (Ralph Bellamy) eru í kastalanum og fá fréttir af því að einhver sé dáinn.

Bela Lugosi í frægasta hlutverki sínu, Dracula frá 1931.

Bela Lugosi í frægasta hlutverki sínu, Dracula frá 1931.

020 = Þeir fara út í skóg og finna Williams látna, bitna af úlfi. Við hliðina á henni finna þeir ekki dauðan úlf, heldur sígaunann Bela, berfættann og dáinn. Við hliðina á honum finna þeir silfurstafinn hans Lawrence. Við áttum okkur á því að Bela var varúlfur.

022 = Lawrence er heima í kastalanum sofandi. Faðir hans og Montford vekja hann og spyrja um stafinn. Lawrense skilur ekki í neinu, segist hafa barið úlf til dauða með stafnum, ekki neinn sigauna.

024 = John ver son sinn og segir þetta allt hugarburð. Lawrence hafi ruglast í myrkinu og þurfi bara hvíld til að átta sig á hlutunum.

025 = Lawrence fylgist með kistu sígaunans, vill endilega sjá ofan í kistuna. Hann hittir þar sígaunakonuna, sem fer með sígaunaljóð.

028 = Kjaftakellingar koma í búðina til Conliffe og saka hana um að fara út að labba með einum manni þegar hún var trúlofuð öðrum. Lawrence kemur inn í búðina og rekur kjaftakerlingarnar út.

030 = Lawrence talar við Conliffe og huggar hana við missi vinkonu sinnar. Sá Frank Andrews (Patric Knowls) sem er trúlofaður henni kemur inn með hundi sínum sem geltir á Lawrence. Andrews er heldur ekki hrifinn af veru Lawrence nálægt kærustu sinni.

033 = Allir fara að skemmta sér í karnivalinu hjá sígaununum, Lawrence skýtur hreyfanleg dýr, en getur ekki skotið þegar næsta dýr er úlfur.

034 = Lawrence ætlar heim, en hittir sígaunakonuna á leiðinni út. Hún vill endilega tala við hann og hún segir honum að hann hafi drepið úlf, sem var raunar Bela, maðurinn hennar. Hún segir að þá sé bara hægt að drepa með silfri. Hún gefur honum hálsfesti, sem muni verja hann. Hún veit að úlfurinn beit hann í brjóstið, en að sárið sé horfið. Hann fer og hún kveður hann með orðunum: Go now and heaven help you.

037 = Sígaunarnir skynja að eitthvað hryllilegt sé að fara að gerast. Þeir pakka saman og yfirgefa borgina. Lawrence hittir Conliffe og ákveður að gefa henni hálsfestina. Hann segir henni að hann sé varúlfur, og að hálsfestin muni bjarga henni.

038 = Draumasena.

039 = Lawrence fer heim en finna að hann er að byrja að breytast. Árið 1941 er engin tölvutækni og því láta þeir umbreytinguna koma fram á löppunum. Hann klæðir síg úr og sér að öll sár eru horfin og að fætur hans eru að verða loðnari og loðnari.

040 = Lawrence verður smám saman varúlfur.

041 = Lawrence – eh – varúlfurnn – æðir út í skóg og finnur þar manninn sem er að grafa sígaunann. Hann ræðst á hann og drepur.

043 = Nýlátinn maðurinn finnst, en Lawrence vaknar í rúminu sínu morguninn eftir og man ekki neitt, hann er orðinn samur, en hárið er tætt.

045 = Lawrence er alveg orðinn ruglaður og spyr föður sinn: What is this story of a man turning into a wolf? John faðir hans svarar: You mean a werewolf? It´s an old legend. You´ll find it in every nation. A scientific term for it is Lycantropia, it is a variety of schizoprehnia. Lawrence skilur enn ekki neitt og segir: It´s all greek to me. John svarar: It is greek (þ.e. orðið lycanthropia) og bætir við að þetta sé tæknilegt orð fyrir eitthvað sem sé mjög einfalt: The good an evil in every man´s soul. In this case evil takes the shape of an animal. Sonurinn spyr hvort pabbinn skilji þetta. Hann segist gera það þannig að í stað þess að allt sé svart og hvítt, þá sé flest grátt. Maður verði ekki bókstaflega varúlfur, heldur að hann geti svo sterkt ímyndað sér það að hann fari að trúa því sjálfur.

048 =Allir fara í kirkju daginn eftir, nema Lawrence, sem ætlar inn, en kemur sér ekki inn fyrir dyrnar (af því að hann er varúlfur eða af því að hann ímyndar sér það?).

049 = John talar við vini sína í Talbot kastalanum og Lawrence tilkynnir að bæði morðin (á vinkonunni og grafarmanninum) séu vegna varúlfa. Þeir spyrja lækninn hvort hann trúi á varúlfa, en hann svarar að maður getir orðið svo geðveikur að hann ímyndi sér það með mental suggestion og mass hypnotism (dáleiðslu).

052 = Þeir ákveða að best sé að setja upp gildru út í skógi og athuga hvort þeir geti ekki veitt varúlfinn (eða manninn sem trúi því að hann sér varúlfur). Lawrence breytist aftur í úlfmann, lendir í gildru heimamanna.

054 = Áður en heimamenn finna hann þá rekst sígaunakonan á hann, á leið sinni frá borginni. Hún losar hann úr gildrunni. Hann breytist þá til baka í Lawrence. Hann finnst á staðnum, en segist þá sjálfur hafa verið að leita að úlfinum.

057 = Lawrence heimsækir Conliffe og segist ætla að yfirgefa staðinn. Hún tekur í hönd hans, en hann sér í lófa hennar tákn fimmstjörnunnar. Conliffe segist ekki trúa honum og svo sé hún með hálsmenið sem hann gaf henni.

060 = Lawrence talar við föður sinn sem vill ekki að hann fari, bindur hann og læsir hann inni. John fer svo út í skóg að vinna úlfinn. Lawrence segir honum að taka silfurstafinn með sér.

061 = Við sjáum ekki hvernig, en eftir að John er kominn út í skóg aftur með vinum sínum þá breytist Lawrence aftur í varúlf.

062 = John hittir sígaunakonuna sem segir hann öruggan með silfurstafinn. Hann heyrir skothríð og hleypur af stað. Þeir segja honum að því miður séu þeir ekki með silfurkúlur, annars hefðu þeir drepið úlfinn.

064 = Lawrence er aftur kominn út í skóg sem varúlfur og sér þar Conliffe. Hann ræðst á hana og reynir að drepa, hálsmenið bjargar henni og svo John faðir hans, sem ræðst á varúlfinn með silfurstafnum. Mikil slagsmál, en John hefur sigur og lemur varúlfin til dauða (er hann sjálfur bitinn í slagsmálunum?).

065 = Sígaunakonan kemur enn og fer með ljóð. Á meðan hún heldur minningarræðu yfir varúlfinum þá beytist hann til baka, í seinasta sinn. Nú sáum við umbreytinguna á sjálfu andlitinu. Vel gert! Veiðimennirnir koma og þeir álykta að úlfur hafi drepið Lawrence.

067 = THE END.

Texti sem sést við upphaf myndarinnar:

Lycantropy = (Werewolfism). A disease of the mind in which human beings imagine they are wolf-men. According to an old LEGEND which persists in certain localities, the victims actually assume the physical characteristics of the animal. There is a small village near TALBOT CASTLE which still claims to have had gruesome experiences with this supernatural creature (bein tilbitnun í The Wolf Man frá 1941).

Written by Kristján

March 2nd, 2010 at 11:46 am