Kvikmyndasálfræði

Just another Kristjans Sites site

Archive for the ‘Jack Nicholson’ tag

Little Shop of Horrors

leave a comment

TitillLittle Shop of Horrors.

Little Shop of Horrors frá 1960 með Jack Nickolson í aðalhlutverki.

 

Little Shop of Horrors kápan frá 1986.

 

Útgáfuár: 1986.

 

Útgáfufyrirtæki: Regency Enterprises.

 

Dreyfingaraðili: Warner Bros.

 

Land: Bandaríkin.

 

Framleiðandi: David Geffen.

 

Lengd: 134 mín.

 

Stjörnur: 6,9* (Imdb) og 7,5 + 6,4* (RottenTomatoes).

 

Leikstjóri: Frank (Richard Oznowicz) Oz (1960- ). Hereford, England.

 

Aðrar myndir sama leikstjóraDirty Rotten Scoudrels (1986), What About Bob? (1991), In & Out (1997), Bowfinger (1999), The Score (2001), Death at a Funeral (2007).

 

Handrit: Howard Ashman, byggt á Little Shop of Horrors eftir Alan Menken & Howard Ashman og The Little Shop of Horrors eftir Roger Corman.

 

Framleiðandi: The Geffen Company.

 

Tónlist: Miles Goodman.

 

Kvikmyndataka: Robert Paynter.

 

Klipping: John Jympson.

 

Tekjur: 38.700.000$/ Kostnaður: 25.000.000$ = yfir 13 milljónir í plús!

 

Slagorð: Diellen?

 

Trailer: Gerið svo vel.

Leikarar: / Hlutverk:

Rick Moranis = Dr. Helen Hudson. Rétr.

 

Ellen Greene = M. J. Monahan. Rana.

 

Vincent Gardenia = Reuben Goetz. Ran.

 

Steve Martin = Peter Foley. Herminn.

 

James Belushi =Daryll Lee Cullum. Fangeg.

 

John Candy = Lt. Thomas Quinn. Lög.

 

Christopher Guest = Nicoletti, löaur.

 

Tisha Campbell = Ay, sanar.

 

Tichina Arnold = Ay, sanar.

 

Bill Murray = Ay, sanar.

 

Levi Stubbs = Ay, sanar.

 

Stanley Jones = Ay, narrator.

 

Mínúturnar:

001 = Texti.

002 = Dr. Helen Hudson (Sigourney Weaver) er að halda fyrirlestur um raðmorðingja í bandarískum háskóla.

004 = Hudson segir raðmorðingja ekki geðveika útlits og biður

Written by Kristján

March 9th, 2017 at 2:38 pm

As Good As It Gets

leave a comment

Titill: As Good As It Gets.

 

As Good As It Gets kápan.

As Good As It Gets kápan.

 

Útgáfuár: 1997.

 

Útgáfufyrirtæki: Gracie Films.

 

Dreyfingaraðili: TriStar Pictures.

 

Land: Bandaríkin.

 

Framleiðandi: James L. Brooks, Bridget Johnson & Kristi Zea.

 

Lengd: 139 mín.

 

 Stjörnur: 7,7* (Imdb) og 8,6 + 8,7* (RottenTomatoes).

 

Leikstjóri: James L. Brooks (USA, 1940).

 

Aðrar myndir sama leikstjóra: Starting Over (1979), Terms of Endearment (1983), Broadcast News (1987) og Spanglish (2004).

 

Handrit: Mark Andrus & James L. Brooks.

 

Tónlist: Hans Zimmer.

 

Kvikmyndataka: John Bailey.

 

Klipping: Richard Marks.

 

Kostnaður / tekjur: 50.000.000$ / 314.178.011$ = Um 266 milljónir dollara í plús!

 

Slagorð: What if this is as good as it gets?

 

Trailer: Gerið svo vel.

 

 

Flokkun: Drama.

 

Leikarar / Hlutverk:

Udell.

Melvin Udell.

Jack Nicholson = Melvin Udall. Góður en einrænn rithöfundur rómantískra bókmennta.

 

x.

Carol Connelly.

Helen Hunt = Carol Connelly. Þjónustustúlka, sem á mjög veikan son.

 

xx.

Simon Bishop.

Greg Kinnear = Simon Bishop. Listmálari, sem enn hefur ekki slegið í gegn.

 

Verdell.

Verdell.

Jill the Dog = Verdell. Hundurinn, sem Simon á, en Melvin fer svo óvænt að passa.

 

listasalinn.

Frank Sachs.

Cuba Gooding Jr. = Frank Sachs. Listaverkasalinn, sem vinnur með Simon.

 

Beverly Connelly.

Beverly Connelly.

Shirley Knight = Beverly Connelly. Móðir Carolar.

 

Spencer.

Spencer “Spence” Connelly.

Jesse James = Spencer “Spence” Connelly. Veikur sonur Carolar.

 

xxx.

Vincent Lopiano.

Skeet Ulrich = Vincent Lopiano. Módelið sem Simon málar, en sem rænir hann svo (og lemur í klessu).

 

xx.

Jackie Simpson.

Yeardley Smith = Jackie Simpson, umboðsmaður (kona) Simons listmálara.

 

xx.

Nora Manning.

Lupe Ontiveros = Nora Manning. Nágrannakonan sem Melvin móðgar svo herfilega í upphafi myndarinnar.

 

xx.

Dr. Martin Bettis.

Harold Ramis = Dr. Martin Bettis. Læknir Melvins, sem Melvin borgar svo fyrir að annast son Carolar.

 

Dr. Green.

Dr. Green.

Lawrence Kasdan = Dr. Green. Geðlæknirinn sem Melvin reynir að ná sambandi við án þess að panta tíma.

 

Mínúturnar:

001 = Textinn.

003 = Við kynnumst manni Melvin Udall (Jack Nicholson) í sambýlishúsi, sem er greinilega ekki vel liðinn. Hann móðgar og virðist hata alla nágranna sína, byrjar á því að reyna að fá hund, Verdell (Jill the dog) nágrannans til að pissa ekki á ganginum. Þegar það fer illa þá ákveður Melvin að henda honum niður ruslið!

005 = Melvin snýr lyklinum þrisvar þegar hann er kominn heim, hendir hönskunum og þvær sér með sjóðheitu vatni og tveimur nýjum sápum. Af hverju?

012 = Melvin mætir á veitingastað, kemur greinilega mjög oft þangað (daglega?) og þykist eiga eitt ákveðið borð bara út af fyrir sig. Þegar hann sér einhverja þar þá angrar hann fyrst starfsfólkið og loks parið sem situr við borðið “hans.” Hann segir þau með löng nef! og fær þau til að flýja.
014 = Melvin fær borðið og þegar þjónustustúlkan Carol Connelly (Helen Hunt) mætir og bannar honum að móðga aðra viðskiptavini, þá svarar Melvin með því að tala illa um son hennar.
017 = Ungi maðurinn hefur fengið nóg: Too much reality for a friday night, segir hann.

020 = Melvin mætir á veitingastaðinn aftur og reynir að bæta fyrir það með því að spyrja Carol um son hennar – veikindi hans.

023 = Strákurinn – módelið – Vincent Lopiano (Skeet Ulrich) sem setið hefur fyrir hjá listamálaranum lætur vini sína ræna íbúðina, en það fer illa. Listmálarinn kemst að því og þeir lemja hann í klessu. Simon stórslasast.

026 = Melvin tilkynnir hávaðann til lögreglu, hún kemur, listmálarinn er fluttur á spítala og Frank Sachs (Cuba Gooding Jr.), hörundsdökki listaverkasalinn, finnur leið til hefna sín á Melvin, eins og hann var búinn að lofa. Frank: Þú hugsar um hundinn hans á meðan Simon er á spítala.

030 = Vinir Simons mæta á spítalann.

033 = Melvin er mættur á spítalann og talar aftur við Carol nær betra sambandi við hana, en er þó enn klaufalegur. Honum er meira að segja farið að líka við hundinn.

035 = Simon er kominn heim og listaverkasalinn spyr Melvin hvort hann vilji ekki skila hundinum. Melvin lætur eins og hann vilji það, en er farið að líka vel við kvikindið – betur en nokkra persónu raunar.

040 = Melvin mætir til geðlæknis síns Dr. Green (Lawrence Kasdan), sem hann hefur ekki séð í 2 ár. Geðlæknirinn neitar að hleypa honum í viðtal án þess að panta tíma. Melvin gefst ekki upp, en geðlæknirinn neitar. Á leiðinni út sér Melvin aðra sjúklinga geðlæknisins á biðstofunni spyr: What if this is as good as it gets?

042 = Melvin fer enn á veitingahúsið sitt, borðið sitt, en þá kemur ekki þjónustustúlkan hans, heldur einhver ný. Melvin truflast alveg, er búinn að eiga mjög slæman dag. Kemur illa fram við þá nýju. Kannar hana m.a. fílakonuna! Einn gestur veitingahússins er búinn að fá nóg og rekur Melvin út. Aðrir gestir klappa.

045 = Melvin er svo klikkaður að hann fer heim til Carolar og heimtar að hún eldi fyrir sig egg, rétt eins og hún sé í vinnunni! Carol rekur hann út, en þegar drengur hennar fær kast, þá lætur hún leigubíl sem Melvin var að taka keyra þau á spítala.

048 = Aðstoðarkona Simons, Jackie Simpson (Yardley Smith), verður að segja honum að hann sé gjaldþrota, hann hafi ekki verið tryggður og skuldi nú yfir 60þúsund dollara vegna spítalavistarinnar. Hún er búin að tala við foreldra hans, sem voru hálfpartinn búin að afneita honum. Eitthvað verði að gera, hann geti ekki haldið íbúðinni.

052 = Þegar Carol kemur heim þá er þar læknir sem er að hugsa um son hennar. Hún skilur ekkert í þessu. Melvin er búinn að senda lækni sinn, Dr. Martin Bettes (Harold Ramis) á hana (eiginmaður ritstjóra hans). Allt gert til þess að hún mæti aftur í vinnuna og þjóni honum.

055 = Simon verður að segja öllum upp.

058 = Melvin fer yfir til Simons til að sinna hundinum, en Simon er algjörlega niðurbrotinn, slásaður og á hausnum. Þegar Melvin heldur áfram að móðga hann, þá missir Simon sig loks og ræðst á Melvin. Þeir sættast – aðallega í gegnum hundinn.

066 = Carol viðurkennir fyrir móður sinni, Beverly Connelly (Shirley Knight) að hún viti ekki hvernig hún eigi að vera lengur. Nú þegar drengur hennar er skárri, þá verður hún að horfast í augu við að hún hefur vanrækt sjálfa sig mjög lengi. Hvaða líf er þetta eiginlega?

070 = Simon verður að fara í langt ferðalag, keyra heim til foreldra sinna, vegna fjárhagsvanda. Hann fær Melvin og Carol til að keyra sig.

079 = Carol leggur af stað í ferðalagið með Melvin, hún kveður son sinn.

081 = Melvin, Simon og Carol leggja af stað í ferðalagið á blægjubílnum. Melvin er með tónlistina tilbúna, en Simon og Carol ná vel saman. Melvin líkar að ekki.

088 = Þau eru komin á hótel í Baltimore og heimsækja foreldra Simons á morgunn. Hún hringir í son sinn, sem er ekki andstuttur vegna þess asma, heldur vegna þess að hann skoraði mark í fótbolta! Carol ákveður að herramennirnir verði að bjóða henni út – þessu verður að fagna. Simon neitar, svo Melvin verður að fara með hana út.

090 = Þegar þau koma á veitingastaðinn er þess krafist að Melvin sé með bindi og í jakka. Hann getur ekki hugsað sér að fara í notaða bindið sem þeir bjóða honum, svo hann afsakar sig, keyrir í snatri og kaupir sér jakka og bindi!

094 = Þegar hann kemur til baka, þá er ljóst að það er að myndast samband á milli þeirra. Hann getur þó ekki enn sagt neitt jákvætt. Móðgar alla. Carol krefst þess að Melvin komi með gullhamra og meini það. Hann reynir:

Melvin: You remember when you said these things to me… My psychiatrist said that I might get better if I take pills. I HATE pills, but the next morning I started taking the pills.

Carol: I don’t see how that is a compliment for me.

Melvin: You make me want to be a better man.

Carol: That’s maybe the best compliment of my life.

Þau kyssast. Melvin segir óvart að hann hafi beðið Carol að koma til þess að eiga kynlíf með Simon til að afhomma hann!

102 = Carol kemur reið heim á sama tíma og Simon mistekst að ná í foreldra sína. Hann er mjög þunglyndur og hún er mjög reið! Hann sér hana hátta sig fyrir bað og segir þá: Hold it. I have to draw you. Hann byrjar að teikna. Listamaðurinn er vaknaður í honum aftur!

105 = Melvin kvartar í barþjóninum, en þegar hann kemur á hótelið um morguninn sér hann Simon. Hann spyr strax: Did you have sex with her? Carol, nei en við gerðum enn meira en það! Við erum vinir!

107 = Simon nær loks í móður sína, en segist ekki lengur þurfa á henni að halda. Simon er vaknaður til lífsins og listin er vöknuð í honum. Sköpunarkrafturinn! Melvin finnst hann vera utundan. Þau keyra til baka.

112 = Þegar þau eru komin aftur til New York þá hefur Carol tekið ákvörðun. Hún hafnar læknisaðstoð Melvins og segir við hann: I don’t want to know you anymore. The only thing you do, is to make me feel bad about myself.

114 = Melvin kemur enn á óvart og býður Simoni, sem er orðinn blankur og húsnæðislaus að gista hjá sér! Hann er mannlegur eftir allt saman.

Simon: I love you.

Melvin: I tell you, I’d be the luckiest guy alive if that did it for me!

139 = THE END.

 

Bestu dæmi OCD í As Good As It Gets

Hér má sjá nokkur skýrustu dæmin um OCD í kvikmyndinni klippt saman:

 

OCD útskýrt

Obsession = Þráhyggja: Síendurteknar hugsanir (oftast um smithættu). Compulsion = Árátta: Þörf fyrir síendurtekna hegðun. Þessi mynd sýnir að Árátta-Þráhyggja er keyrð áfram af kvíða. Kvíði leiðir til síendurtekinnar hegðunar, sem léttir áhyggjunum, en þá byrjar hugsunin aftur, sem leiðir til kvíða, sem leiðir til…
   

Ekki stíga á línur. Allt í röð og reglu. Kemur með eigin hnífapör á veitingastaðinn.

 

OCD í raunveruleikanum

Hér sjáum við dæmi um mann sem er með alvarlegt afbrigði af Áráttu-Þráhyggju. Hann er að fá sér súpu:

Skilaverkefni:

  1. Hvaða Óskars-verðlaun hlaut þessi mynd?
  2. Ertu sammála verðlaunum Nicolsons og Hunt? Fannst þér þau sannfærandi?
  3. Í upphafsatriðunum og á nokkrum stöðum í myndinni kemur geðröskun Mevin Udall skýrt fram. Hver eru þau einkenni sem Melvin sýnir? Teldu upp a.m.k. fimm.
  4. Hvað heitir þessi geðröskun á íslensku? Og hvað heitir geðröskunin á ensku (ekki bara skammstöfunun)?
  5. Þessi geðröskun er tvíþætt. Annað er hegðun, en hitt hugsun. Útskýrðu.
  6. Veistu hvað það er sem er undirliggjandi sem veldur þessari geðröskun? Hvort er það kvíði eða þunglyndi?
  7. Þegar Melvin er orðinn ástfanginn, þá segir hann að einkennum sínum fækkar. Af hverju er það?
  8. Melvin er mjög ókurteis við fólk langt fram eftir myndinni. Hann móðgar það mjög með setningum sínum. Mannstu eina þeirra?
  9. Sagt er að smithætta sé algengasta einkenni OCD. Við sjáum mörg einkenni þess hjá Melvin. Út frá þessu þá er í raun erfitt að skilja einn þátt kvikmyndarinnar. Hvaða þáttur er það?
  10. Mundu loks að segja þitt persónulega álit á myndinni með góðum rökstuðningi.

Written by Kristján

April 10th, 2015 at 9:44 am

The Shining

leave a comment

 

Titill: The Shining.

The Shining kápan.

The Shining kápan.

Útgáfuár: 1980.

Útgáfufyrirtæki: Warner Bros.

Lengd: 146 / 144 mínútur, stytt amerísk útgáfa 119 mín.

Stjörnur: 8,5* (Imdb) og 9,1* á RottenTomatoes – sem er með því hæsta sem gefið er.

Leikstjóri: Stanley Kubrick.

Handrit: Stanley Kubrick og tephen King og leikstjórinn. Stephen King var ekki ánægður með myndina! og lét gera aðra, sjónvarpsmynd, sem almennt er talin mun lélegri. Enda fær essi mynd mjög góða dóma alls staðar.

The Shining endurgerðin frá 1997. Ekki góð mynd!

The Shining endurgerðin frá 1997. Ekki góð mynd! Fær þó 6,0* á Imdb.

Framleiðandi: Stanley Kubrick.

Helstu leikarar: / Hlutverk:

Jack Nicholson = Jack Torrance, húsvörður á hóteli og væntanlegur rithöfundur.

Shelley Duvall = Wendy Torrance, eiginkonan, sem lítur út eins og Stína stöng og lék hana meira að segja seinna.

Danny Lloyd = Danny Torrance, sonurinn, sem virðist vera með einhverja dulræna hæfileika, hann getur “shine,” þ.e. lesið hugsanir fólks.

Scatman Crothers = Dick Hallorann, svarti yfirkokkurinn á Overlook hótelinu sem gerir sér strax grein fyrir því að strákurinn Danny er með “shine” hæfileika – eins og hann sjálfur eflaust.

Barry Nelson = Stuart Ullman, hótelstjórinn, sá sem útskýrir fyrir Jack í upphafi myndarinnar að fyrri húsvörður hafi brjálast.

Joe Turknell =Lloyd, barþjónninn, sem birtist allt í einu á hótelinu, stendur teinréttur og neitar að taka við peningum frá Jack, þegar hann þjónar honum með whiskey.

Philip Stone = Delbert Grady, þjónninn sem hellir óvart áfengi á Jack og reynir að þurrka hann á rauða salerninu. Hann er í raun Grady, fyrri húsvörðurinn.

Lisa og Louise Burns = Grady dæturnar, sem Danny sér aftur og aftur. Þær voru höggnar í spað, af fyrri húsverði (föður þeirra), sem varð brjálaður.

 

Mínúturnar = Atriði:

001 = Texti, víðar senur af klettafjöllunum í Bandaríkjunum, þar sem mörg skíðahótel eru.

Overlook hótelið í Klettafjöllunum.

Overlook hótelið í Klettafjöllunum.

003 = Jack Torrance (Jack Nicholson) er búinn að keyra alla leið á Overlook hótelið. Hann sækir um húsvarðarstarf þar yfir veturinn í 5 mánuði til 1. maí, þegar skíðahótelið opnar aftur fyrir gesti. Í 5 mánuði er hótelið lokað vegna veturs og snjóþunga og einhver þarf að gæta húseignarinnar á meðan.

004 = Wendy Torrance (Shelley Duvall) ræðir við son sinn, Danny Torrance (Danny Lloyd) um væntanlegt starf. Sonurinn er áhyggjufullur.

005 = Stuart Ullman (Barry Nelson) hótelstjóri ræðir við Jack um starfið. Stuart varar hann við, segist verða að segja honum að starfið sé ekki erfitt, en að einangrunin geti verið þrúgandi. Hann segir að húsvörðurinn á undan honum (1970) Charles Grady (Philip Stone), hafi ekki höndlað starfið. Hann hafi brjálast, drepið bæði eiginkonu og 2 dætur, höggvið þær í sundur með öxi og svo skotið sig svo í höfuðið með haglabyssu. Hótelstjórinn útskýrir: He must have suffered a complete mental breakdown, he ran amok and they called it cabin fever, a kind of claustrophobic reaction if people are shut up together for a long time.

Lyftusenan fræga er endurtekin nokkrum sinnum í myndinni.

Lyftusenan fræga er endurtekin nokkrum sinnum í myndinni.

008 = Danny er heima að leika sér, hann talar við ímyndaðan vin, Tony, sem segist vita það nú þegar að Jack, faðirinn, er búinn að fá starfið. Við sjáum í fyrsta sinn lyftu á hótelinu og blóð flæðir út. Við sjáum líka í frysta sinn stelpurnar tvær í bláu kjólunum.

Systurnar í bláu kjólunum. Þessi sena er líka endurtekin nokkrum sinnum.

Systurnar í bláu kjólunum. Þessi sena er líka endurtekin nokkrum sinnum.

009 = Strákurinn, Danny, virðist vera með skyggnigáfu, hann notar “shine.” Það er útskýrt sem hæfileiki til að lesa hugsanir og sjá hluti sem eru búnir að gerast og eiga eftir að gerast.

Danny talar við imyndaðan vin sinn. Danny er með skyggnigáfu.

Danny talar við imyndaðan vin sinn. Danny er skyggn.

012 = Torrance fjölskyldan er komin á Overlook hótelið. Allir eru að fara í frí, og kynna þarf fjölskyldunni allt hótelið áður en þau eru skilin þar ein eftir í 5 mánuði.

014 = Strákurinn er í leikherberginu, hann sér stelpurnar tvær aftur.

016 = Yfirkokkurinn Dick Hallorann (Scatman Crothers) er að kynna eldhúsið og strákurinn virðist ná sérstöku sambandi við hann. Móðurinni þykir einkennilegt að hann kalli strákinn “doc”, sem er gælunefni foreldranna. Hvernig vissi yfirkokkurinn það? Er hann líka skyggn?

019 = Hallorann kokkur gefur stráknum ís og spyr hann hvort hann hafi “the schine”, að geta lesið hugsanir og séð óorðna hluti. Strákurinn segir að “Tony” banni sér að tala um þetta. Hver er Tony? Hann er inni í mér og stjórnar vörunum. Hann sýnir mér líka drauma, segir strákurinn. Strákurinn spyr Hallorann hvort eitthvað illt sé á hótelinu. Hallorann svara hikandi og þá spyr strákurinn hvort hann hafi komið í Herbergi 237? Hallorann bregður mjög og segir stráknum að fara aldrei inn í það herbergi.

Ekki fara inn í herbergi 237!

Ekki fara inn í herbergi 237!

024 = Fyrsti morgunmaturinn. Allir farnir nema fjölskyldan. Allt í góðu. Feðginin eru úti að labba um völundarhúsið á meðan Jack reynir að byrja að skrifa skáldsögu í stóra salnum. Honum verður lítið ágengt, heldir bara bolta.

029 = Strákurinn hjólar um allt hótelið, stoppar við herbergi númer 237, en ákveður á seinustu stundu að fara ekki inn. Jack er kominn af stað og byrjaður að vélrita. Wendy kemur inn í salinn þar sem Jack vélritar, en Jack er ekki ánægður með það. Jack býr á staðnum til reglu, Wendy má aldrei koma inn í þennan sal, þegar hann er að vinna: So, why don’t you get the hell out of here? Hún fer út og Jack horfir á feðginin leika úti, andlitið á honum er að verða dálítið skrítið. Er Jack að bilast?

035 = Danny er að hjóla eftir göngunum þegar hann mætir tvíburunum. Þær segjast vilja leika við hann, en hann sér þær svo til skiptis lifandi eða höggnar í spað með öxi. Danny huggar sig með ví að tala við ímyndaðan vin sinn, þetta eru bara eins og myndir í bók, It isn’t real, Danny.

Dæmigert splatter atriði hryllingsmynda. Sem betur fer sýnt í sekúndubrot.

Dæmigert splatter atriði hryllingsmynda. Sem betur fer sýnt í sekúndubrot.

037 = Stákurinn fer inn til pabba og spyr af hverju hann geti ekki sofið. Hann spyr líka hvort honum líði illi, einnig hvort hann myndi nokkru sinni meiða mömmu. Auðvitað ekki, segir Jack.

041 = Strákurinn er að leika og sér þá að herbergi númer 237 er opin. Hann fer inn. Wendy heyrir óhljóð. Þau eru bara úr Jack, sem er að dreyma á borðinu við ritvélina. Hann fékk martröð: The most horrible dream I ever had, I dreamed that I killed you and Danny. I cut you to pieces. I must be loosing my mind. Strákurinn kemur labbandi, virðist mjög mjög skelkaður (var hann í herberginu?), hann sýgur puttann og hálsinn á honum er rauður. Wendy huggar hann. Hún heldur að Jack hafi gert þetta og hleypur með strákinn í burtu.

046 = Jack verður mjög reiður vegna ásakana hennar og gengur um gangana. Tónlistin er ærandi. Hann fer inn á stóran bar. Ég myndi vilja drykk, segir hann og sest við barinn. Þegar hann opnar augunn segir hann: Hey, Lloyd, og þá birtist “ímyndaður” Lloyd allt í einu og gefur honum drykk. Jack segir við “þjóninn” að hann muni aldrei meiða strákinn, en að hann þoli ekki konu sína. Hún lætur mig aldrei gleyma því, segir hann, að ég beitti strákinn minn einu sinni ofbeldi. Bara einu sinni og nánast óvart, fyrir 3 árum.

051 = Wendy kemur hlaupandi til Jacks með baseball kylfu og segir Jack að það sé einvher kona í herbergi 237, sem reynt hafi að kyrkja Danny. Jack spyr: Have you completely lost your mind?, en fer samt að skoða herbergið.

052 = Hallorann liggur uppi í rúmi heima hjá sér upp og hlustar á fréttir af snjókoma. Þá fær hann allt í einu “shine”, líklega um að eitthvað slæmt sé að gerast á Overlook hótelinu. Við sjáum strákinn aftur á hótelinu í annarlegu ástandi.

054 = Jack er kominn inn í herbergið og hann virðist sjá gamla konu í baði, nei unga konu. Hann er þá ekki lengur hræddur og brosir. Þau mætast. Hann kyssir hana en en þá er hún allt í einu orðin mjög gömul. Hann flýr, en hún eltir hann. Strákurinn virðist sjá þetta allt. Jack flýr út og læsir herberginu.

 

Ung-gömul kona. Mjög áhrifarík sena.

Ung-gömul kona. Mjög áhrifarík sena.

058 = Jack kemur til baka og segir Wendy óvænt að hann hafi ekki séð neitt í herberginu. Alls ekkert.

060 = Þau hafa áhyggjur af stráknum, en hann liggur upp í rúmi. Hann sér orðin REDRUM. “Ðrom.” Hvað merkir það?

061 = Jack fer aftur að ganga gangana og er enn mjög reiður. Hann gengur aftur inn í salinn, þar sem allt virðist í gangi. Fullt af fólki.

062 = Hallorann yfirkokkur reynir að ná í Overlook hótelið, en honum er sagt að símalínurnar séu lokaðar. Hann hringir í lögguna og biður hana um að reyna að ná í þau á talstöðina.

064 = Jack fer inn í stóra salinn sem hann “sér” fullan af fólki. Hann fer aftur á barinn. Þjónninn vill ekki rukka hann: Orders from the House, your money is not good here. Annar þjónn kemur og hellir óvart á Jack. Þjóninn, sem segist heita Delbert Grady, þurrkar áfengið af Jack. Jack virðist þekkja hann. Varst þú ekki einu sinni húsvörður hér? Jú, segir Grady, ég á konu og 2 dætur. Þær eru hér einhvers staðar, segir þjónninn! Hann segir svo að Jack hafi alltaf verið húsvörurinn hér. Brady varar hann við að sonurinn sér að reyna að koma “outside party into the situation – a nigger cook“. Jack, ætlar þú ekki að gera eitthvað í því?

072 = Hallorann ákveður að fara sjálfur á svæðið, flýgur fyrst, keyrir svo í fólksbíl og loks í sjóbíl á staðinn. Á meðan gengur Wendy hálf-sturluð um með baseball kylfu. Hún fer inn í salinn og sér hvað Jack hefur verið al vélrita. All work and no play makes Jack a dull boy, aftur og aftur. Blaðsíða eftir blaðsíðu. Hún gerir sér nú grein fyrir því að Jack er endanlega snar-ruglaður. Hann kemur að henni.

Sterkasta sena myndarinnar er þegar Wendy gerir sér endanlega grein fyrir því að Jack er snar-ruglaður!

Sterkasta sena myndarinnar er þegar Wendy gerir sér endanlega grein fyrir því að Jack er snar-ruglaður! All work and no play makes Jack a dull boy!

077 = Jack spyr hana: How do you like it? Hann vill tala um Danny, sem virðist skynja samtal þeirra. Jack gerir grín að konu sinni. Hún flýr undan honum. Hann segist ætla að lemja heilann úr henni, en hún nær að rota hann með kylfunni. Hún dregur hann inn í kæliklefann hálfmeðvitundarlausan og læsir.

084 = Hún vill ekki opna fyrir honum, ætlar að keyra burt á snjóblílnum, en Jack hlær og segir henni að skoða talstöðina og sjóbílinn. Hann er búinn að skemma hvorttveggja.

088 = Þjónninn Grady kemur Jack til hjálpar (hvernig getur hann það?) og skammar Jack fyrir að “ganga ekki frá málunum.” Kona þín virðist hafa yfirhöndina. Jack lofar að taka málið í sínar hendur.

090 = Hallorann nálgast á snjóbílnum.

091 = Stákurinn gengur um í herbergi móður sinnar með hníf og segir í sífellu: REDRUM. Hann skrifar líka speglað á hurðina, en séð úr speglinum er loks hægt að skilja orðið: MURDER! Á sama augnabliki kemur Jack með exi og heggur í hurðina. Strákurinn rétt sleppur út, en Wendy ekki.

094 = Wendy æpir með hníf í hönd á meðan Jack brýtur upp hurðina. Hann nær að brjóta smá gat og þegar hann setur höfuðið inn öskrar hann eina frægustu senu kvikmyndanna: Here’s Johnny!

Here's Johnny!

Here’s Johnny!

096 = Wendy sleppur enn, í þetta sinn með því að reka hnífinn í Jack. Hallorann kemur einmitt þá.

099 = Hallorann er kominn inn á Overlook hótelið og kallar “halló.” Jack kemur snögglega að honum og heggur hann til dauða, strákurinn virðist sjá það (shine). Jack kallar: Danny boy og sér hann flýja. Wend hleypir um og leitar að syni sínum. Hún sér í einu herberginu mann í svínafötum með öðrum manni. Hvað er að gerast?

Svínslegt aukaatriði í THe Shining. Hvað er Kubrick að gefa í skyn hér?

Svínslegt aukaatriði í The Shining. Hvað er Kubrick að gefa í skyn hér?

102 = Strákurinn sleppur út og Jack á eftir honum með öxina. Strákurinn hleypur (í annað sinn) inn í völundarhúsið og Jack á eftir honum. Jack eltir sporin. Danny fattar loka að ganga afturábak og hylja þannig spor sín.

104 = Wendy sér Hallorann dauðan og ímyndir sér ýmsa aðra líka, fyrrum hótelgesti. Er Wendy líka að brjálast? Er hótelið orsakavaldurinn?

106 = Wendy sér nú blóð koma út úr lyftunni. Jack eltir Danny enn, en sporin stoppa snögglega. Hvert á hann að fara?

 

108 = Wendy er komin út og hún sér Danny í þann mund sem hann kemst út úr völundarhúsinu. Þau komast upp í snjóbílinn sem að Hallorenn kom á, en Jack ratar ekki út úr völundarhúsinu. Þau keyra í burtu, en Jack er örmagna.

110 = Lokasenan, Jack er frosinn til dauða, með brosið sitt.

Lokaatriðið, Jack frosinn í völundarhúsinu.

Lokaatriðið, Jack frosinn í völundarhúsinu.

112 = Overlook hótelið fagnar, við sjálum ljósmynd af öllum gestunum, Jack er á miðri mynd. Undir myndinni af honum er ártalið 1921. Vann hótelið? Var Jack alltaf á hótelinu?

114 = THE END.

Written by Kristján

February 19th, 2013 at 2:45 pm

One Flew Over the Cuckoo’s Nest

leave a comment

One Flew Over the Cuckoo's Nest kápan frá 1975.

One Flew Over the Cuckoo’s Nest kápan frá 1975.

Leikstjóri: Milos Forman.

Handrit: Lawrence Hauben, Bo Goldman.

Bókarhöfundur: Ken Kesey.

Ken Kesey, höfundur bókarinnar: One flew over the cuckoos nest.

Ken Kesey, höfundur bókarinnar: One Flew Over the Cuckoo’s Nest.

Leikarar:

Jack Nicholson = Randolph McMurphy. Hlutverkið sem gerði Nicholson frægan.

Dean R. Brooks = Dr. Spivey, læknirinn sem tekur upphafsviðtalið við McMurphy.

Louise Fletcher = Nurse Ratched. Yfirhjúkrunarkonan yndislega. Louise Fletcher sýnir afburða mótleik við Jack Nicholson.

Danny DeVito = Martini, sá ítalsk ættaði. DeVito í sínu fyrsta hlutverki. Treggáfaður.

Christopher Lloyd = Taber. Hávaxinn og burstaklipptur. Enn annar leikari í sínu fyrsta hlutverki. Munið þið eftir honum í Back to the Future myndunum?

William Duell = Jim Sefelt, geðsjúklingurinn sem flytur þeim (röngu) fréttirnar að McMurphy hafi sloppið.

William Redfield = Harding, geðsjúklingurinn sem talar mjög gáfulega og treystir ekki konu sinni.

Sydney Lassick = Charley Cheswick, sköllótti geðsjúklingurinn, sá grátgjarni.

Delos V. Smith jr. = Scanlon, fullskeggjaði geðsjúklingurinn.

Brad Dourif = Billy Bibbit, geðsjúklingurinn sem stamar.

Will Sampson = Chief Bromden, indjáninn.

Scatman Crothers = Turkle. Næturvörðurinn sem McMurphy mútar.

Mews Small = Candy. Vinkonan sem McMurphy fer með í sjóferðina og á geðdeildarfylleríið.

Nathan George = Washington, starfsmaður (dökkhærður blökkumaður), sá sem slæst við McMurphy.

One Flew Over the Cuckoo´s Nest fékk öll helstu Óskarsverðlaunin.

One Flew Over the Cuckoo´s Nest fékk Óskarinn fyrir besta myndin, besta leikstjórnin (Milos Forman), besta handritið, besti leikari í aðalhlutverki karl (Jack Nicholon) og kona (Louise Fletcher).

Bakgrunnsupplýsingar um Gaukshreiðrið

Byggt á umtalaðri metsölubók Ken Keseys, sem enn er töluvert lesin. Bókin þótt góð gagnrýni á geðdeildir og meðferðir þess tíma.

SÖGUÞRÁÐURINN

Randle Patrick McMurphy, sem er 38 ára hvítur maður sem hefur átt nokkuð langa sögu af minni háttar vandræðum, allt frá unglingsárum. Toppurinn af því var handtaka fyrir statutory rape – eiga mök við stúlku undir aldri – sama kæra og Roman Polanski fékk á sig einmitt á heimili Jack Nicholsons! í Los Angeles – sem veldur því að Polanski getur enn ekki ferðast til Bandaríkjanna og var settur í stofufangeli í Sviss. Vinur hans Harrison Ford varð að fara með Óskarinn (fyrir Pianist) til hans í París, þar sem hann bjó.

McMurphy var dæmdur til 2 ára fangelsisvistar í Rivermead Correctional Facility. Forsaga myndarinnar endar með þessari setningu í upphafsviðtalinu: Hegðun McMurphy í Rivermead fangelsinu varð meira og meira furðuleg eratic og goofy.

Þess vegna er McMurphy (í upphafi myndarinnar) sendur á geðdeild fylkisins til skoðunar, mats og meðferðar (ef með þarf).

MAT

McMurphy hefur oft verið handtekinn fyrir að vera drukkinn á almannafæri og að trufla almannafriðinn. Dæmigert er að hann hefur fengið að sofa vímuna af sér í fangelsum. Í þetta sinn bætist við mök við 15 ára stúlku (she looked much older, segir hann) og nú er hann bæði kærður og dæmdur. McMurphy neitar því að hafa nokkra sögu af geðlæknisfræðilegri eða sálfræðilegri meðferð, þótt hann hafi nokkrum sinnum lent í námsráðgjafa! í menntaskóla. Þá snerist vandinn um agavandamál, sérstaklega gagnvart yfirmönnum. McMurphy hefur þó fengið nokkra ráðgjöf frá skilorðseftirlitsmönnum.

LÆKNISSAGA

Spurður um læknissögu segir hann stoltur að hann hafi fengið niðurgang fimm sinum og að hann hafi brotið á sér höndina í slagsmálum á skólalóðinni 15 ára gamall.

Foreldrar McMurphys skildu þegar hann var smábarn og hann var alinn upp af móðursystur sinni. Hann var eina barnið á því heimili og frænka hans var ekki ströng við hann. McMurphy gekk vel í skóla án þess að leggja sig mikið fram, en gerði stúlku ólétta (11th grade). Hann hætti þá í skóla, vann ýmsa vinnu og fór í sjóherinn 18 ára. Var þar í 3 ár. Fékk þar dishonorable discharge án þess að klára seinasta túrinn, vegna þess hve hann var oft fjarverandi. Síðan hefur hann unnið við garðyrkju, aðstoðarmaður iðnaðarmanna, framkvæmdastjóri nuddstofu, bílasölumaður, á eplabúgarði, í sirkus og bifvélavirki. Hann er ókvæntur og sambönd hans við konur hafa verið stutt.

One Flew Over the Coockoo´s Nest, mínúturnar:

001 mín. = Textinn.

003 = Rólegt líf á geðdeildinni.

009 = Randolph Patrick McMurphy (Jack Nicholson) 38 ára gamall fangi kemur inn á geðdeildina. Dr. Spivey (Dean R. Brooks) geðlæknir tekur á móti honum. Geðlæknirinn les skýrsu yfir McMurphy þar sem segir að hann sé: Beligerant, talked when not spoken to, resentful of work, lazy og the real reason að McMurphy sé að gera sér upp geðröskun: They think that you have been faking it, to get out of the work at prison.

012 = Að auki 5 sinnum handtekinn fyrir ofbeldi og dæmdur fyrir statsatory rape á 15 years old going on 25 en leit út eins og 18 ára.

014 = Ratched (Louise Fletcher) yfirhjúkrunarkona stjórnar hópmeðferð hjá þeim sem á geðdeildinni sem eru meðfærilegir og hæfir til að tjá sig. McMurphy er settur í þann hóp. Ratched gengur illa að fá þá til að tjá sig.

017 = Ratched fær Harding (William Redfield) geðsjúklingurinn sem talar gáfulega og treystir ekki konu sinni til að tjá sig, en hinir svara engu fyrr en Harding segir að sér líði peculiar. Þá tryllast hinir þar sem orðið vísar einnig til samkynhneigðar. Allt verður vitlaust.

Hómer Simpson flýgur yfir Gaukshreiðrið.

Hómer Simpson flýgur yfir Gaukshreiðrið.

013 = Útivera. McMurphy reynir að kenna indjánanum Chief Bromden (Will Sampson) körfubolta. McMurphy er sagt að þeta sé gangslaust þar sem indjáninn sé bæði mállaus og heyrnarlaus. Þeir reyna að fá Martini (Danny DeVito) til að hjálpa til. Yfirhjúkrunarkonan horfir á úr fjarlægð.

Fljótlega myndast sterkt samband á milli McMurphy og indjánans.

Fljótlega myndast sterkt samband á milli McMurphy og indjánans.

024 = McMurphy kennir vistmönnum að spila póker. Martini getur ekki lært grundvallarreglurnar.

027 = McMurphy pirrast auðveldlega. Hann kvartar undan tónlistinni og fer inn á svæði hjúkrunarfólksins. McMurphy vill ekki taka lyfin, svo yfirhjúkrunarkonan hótar að gefa honum þau með öðrum hætti. McMurphy þykist þá taka lyfin sín.

030 = Vistmenn ögra McMuprhy. Hann segist bara þurfa viku til að brjóta hana niður. Veðmálið er 1 dollar.

031 = Hópmeðferð. McMurphy byrjar og Ratched er ánægð með framlag hans, en bara þangað til að hann leggur til að meðferðinni á deildinni verði tímabundið breytt vegna þess að útslitakeppnin í hornabolta er að hefjast. Ratched vill ekki breyta áætlunum, en stingur þó upp á að láta atkvæðagreiðslu ráða. McMurphy reynir að fá alla til að lyfta upp hendinni, en gengur illa. McMurphy fær aðeins 3 atkvæði.

034 = Vistmenn eru að spila og byrja að rífast. McMurphy leiðist röflið í þeim og sprautar vatni á þá.

035 = McMurphy segist vilja fara niður í bæ á bar að horfa á leikinn, Bibbit (Brad Dourif) stamar að hann komist ekki af geðdeildinni. McMurphy segist vel geta brotist út. Hann lætur þá veðja að hann geti lyft þungum vask og hent honum á gluggann. McMurphy tekst það ekki. I tried though didn´t I, er eina svarið sem hann gefur.

038 = Hópmeðferð. Ratched ræðir við Bibbit um tengsl hans við konur. Hann segir frá því að hann hafi beðið konu. Ratched segist þekkja móður hans og að hún hafi aldrei vitað um þetta og að Bibbit hafi ekki tjáð sig um ást sína. Var þetta ekki þá þegar þú fyrst reyndir að fremja sjálfsmorð? Cheswick (Sydney Lassick) finnur til með Bibbit og spyr af hverju hann þurfi að tala um það sem er honum svona sárt. Og hann bætir við, megum við ekki horfa á hornaboltann?

Ratched hjúkrunarkona hafði tak á Bibbit því hún þekkti móður hans.

Ratched hjúkrunarkona hafði tak á Bibbit því hún þekkti móður hans.

041 = Ratched leyfir aftur atkvæðagreiðslu. Nú gengur heldur betur, og vistmenn virðast vera með meirihluta, alls 9. Ratched segir þetta ekki rétt, því ef hún telji hina með, þá sem ekki geta tjáð sig, þá falli þetta á jöfnu, heildartalan er 18. McMurphy æðir um og reynir að fá 1 úrslitaatkvæði. Enginn svarar honum, og þó – indjáninn.

042 = Ratched lokar atkvæðagreiðslunni um leið og indjáninn réttir upp hendina. Hjúkrunarkonan lætur sig ekki, en McMurphy tryllist.

045 = McMurphy svarar fyrir sig með því að horfa á slökkt sjónvarpið og lýsa leiknum, rétt eins og að hann sé í gangi. Vistmenn hrifast með og stara á tómt sjónvarpið.

046 = McMurphy aftur í viðtali hjá geðlækninum. McMurphy kvartar undan Ratched yfirhjúkrunarkonu, en geðlæknirinn leggur fram það álit sitt að McMurphy sé heill á geði og að hann sé bara að gera sér upp geðröskun til að komast hjá vinnu í fangelsinu.

051 =McMurphy klifrar yfir grindverkið og er kominn inn í strætisvagninn áður en starfsmenn koma. Þegar hann fyllist af vistmönnum stelur McMurphy bílnum, keyrir um bæinn og nær í Candy (Mews Small).

054 = McMurphy fer með allt liðið niður að höfn og rænir bát. Hann kallar alla vistmennina með dr. fyrir framan og fær bátinn lánaðan!

064 = McMurphy segir við starfsmanninn og segist bara vera á geðdeildinni í 68 daga (fangelsisvistin hans), en starfsmaðurinn Washington (Nathan George) segir honum það vera misskilning. Yfirhjúkrunarkonan ráði því hvað hann verði lengi.

068 = McMurphy kemst að því að hann kemst ekki út af geðdeildinni fyrr en starfsfólkið ákveður svo. Hann er hissa á því að fæstir eru þvingaðir inn á geðdeildina, og geta því yfirgefið hana ef þá langar. McMurphy mótmælir þessu og fær vistmenn með sér, sem fara nú að mótmæla öllu. Cheswick verður sérstaklega reiður og vill fá sígaretturnar sína og að deildinni verði ekki lokað á kvöldin.

074 = Ratched tekur af þeim sígaretturnar og peningana og ætlar að skammta þá héðan í frá, annars vinnur McMurphy allt af þeim í spilum. Allir tryllast. McMurphy brýtur gler og reynir að taka taka völdin. Starfsmaður yfirbugar hann, en indjáninn kemur honum til hjálpar. Fleiri starfsmenn koma og þeir yfirbuga McMurphy og indjánann.

078 = McMurphy og indjáninn (og Cheswick) eru allir sendir í raflostsmeðferð vegna þess að þeir misstu allir stjórn á sér. Fyrst Cheswick, sem tryllist enn og aftur. McMurphy kemst þá að því að indjáninn getur bæði heyrt og talað.

081 = McMurphy og indjáninn tala um að flyja saman til Kanada á sama tíma og Cheswick kemur liggjandi meðvitundarlaus úr raflostsmeðferðinni.

082 = McMurphy er settur í raflostsmeðferð. Hann fær gúmmí til að bíta af sér tunguna. Dæmigert þá missa menn meðvitund í langan tíma (allt að sólarhring).

085 = McMurphy kemur – að því er virðist – heilaskaddaður úr raflostsmeðferðinni. Og þó. Hann er stilltur eins og prúður drengur. Og þó.

087 = Það kvöldar og allir starfsmenn eru farnir nema næturvörðurinn. McMurphy er með plan, pantar kærustu sína og vinkonu hennar, og þær eiga að mæta með áfengi á geðdeildina. Partí!

090 =McMurphy segist ekki þola þetta lengur og biður indjánann að flýja með sér. Indjáninn segir að hann geti ekki komið því að McMurphy sé miklu stærri en hann!

Hvor ætli sé hetja myndarinnar, indjáninn Chief Broom eða McMurphy?

095 = Hjúkrunarkona stendur næturvörðinn að verki, en hann bjargar sér með því að segjast bara vera með eina konu inni á deildinni, hann sé svo einmana. Hjúkkan trúir honum, en segir honum að senda hana út eins og skot. Nú verður partíið alveg stjórnlaust!

099 = Bibbit dansar við kærustu McMurphy, sem undirbýr sig að flýja. Hann stelur lyklunum frá sofandi næturverðinum og er á leiðinni út og til Kanada, en …

101 = McMurphy opnar gluggann, kallar á stelpurnar og kveður alla. Bibbit er seinastur og hann hefur eitthvað að segja. McMurphy spyr hvað sé að? Bibbit er ekki tilbúinn að flýja með honum, en hann spyr um Candy. Ætlar þú að giftast henni?

103 = Ert þú hrifinn af henni, spyr McMurphy? Bibbit hefur áhuga, en hefur ekki burði í að gera neitt í málinu. McMurphy biður kærustu sína að sinna Bibbit. Þau eru sett saman inn á herbergi með tilburðum. Þeir bíða á meðan, en eru orðnir syfjaðir.

106 = McMurphy spallar við indjánann um flóttann til Kanada, en svo sofna þeir óvart!

108 = Starfsmenn koma til baka og eru þá allir sofnaðir og allt í klessu. Ratched yfirhjúkrunarkona mætir á staðinn. Hún fyrirskipar allsherjar lokun og þrif. Hún fyrirskipar starfsmanninum Washington að kanna hvort nokkurn vanti. Þau finna alla nema Bibbit.

110 = Litla hjúkkan finnur Bibbit sofandi inn á herbergi með Candy. Hún kallar á Ratched. Bibbit klæðir sig í snatri og virðist stoltur af sér. Við tökum eftir að hann stamar ekki lengur. Skammast þú þín ekki, spyr Ratched. Hann neitar því. Þá segir hún: What worries me is how your mother is gonna take this? Bibbit byrjar að stama og grátbiður Ratched að segja mömmu hans ekki frá þessu. Hann missir sig og verðirnir fara með hann inn í herbergið aftur.

115 = Allir fara að taka til og McMurphy opnar gluggann. Verðirnir sjá hann og stoppa hann. Þá heyrist öskur og vörðurinn hleypur af stað. McMurphy getur sloppið, en hann forvitnast um hvað hefur gerst. Bibbit hefur komist yfir gler og framdi sjálfsmorð.

117 = Ratched segir öllum að fara frá og að fara í daily routine. McMurphy tryllist og reynir að kyrkja hana. Áhorfendur halda með honum  (og þú líka), en verðirnir ná að stoppa hann í tæka tíð.

119 = Allt er orðið rólegt á geðdeildinni, en McMurphy er hvergi sjáanlegur. Jim Sefelt (William Duell) heldru að McMurphy hafi sloppið, en aðrir vistmenn trúa því ekki.

120 = Um hvöldið er komið með McMurphy til baka. Tveir vistmenn leiða hann í rúmið. Hann virðist sofandi. Indjaninn kemur til hans um nóttina og segir að það sé gott að þú flýir ekki án mín, því nú telur hann sig hafa kjark til þess að fara með honum, I feel big as a mountain, segir hann. Indjaninn lyftir McMurphy upp, en sér þá að búið er að gera heilauppskurð á honum. Hann er algerlega meðvitunarlaus.

McMurphy eftir heilaaðgerðina.

McMurphy eftir heilaaðgerðina.

125 = Indjaninn sér að McMurphy er “heiladauður” og segist ekki fara án hans. Hann bregður á það ráð að kæfa McMurphy með kodda, svo gengur hann beint að vaskinum og rífur hann upp, hendir honum á gluggann og flýr. Hinir vistmennirnir fagna ógurlega, en fara ekkert sjálfir.

Kvikmyndin er klassísk, hér er Hómers útgáfan.

Kvikmyndin er klassísk, hér er Hómers útgáfan.

128 = THE END.

Spurningar:

1. Hvað merkir það á ensku að vera Cuckoo?

2. Hver flaug yfir gaukshreiðrið?

3. Er indjáninn hetja myndarinnar?

4. Er McMurphy með Uppgerðarröskun eða Andfélagslegan persónuleika?

5. Þér líkar eflaust ekki við yfirhjúkrunarkonuna Ratched, en gerir hún nokkuð rangt?

Written by Kristján

April 26th, 2010 at 3:30 pm